Friday, October 24, 2008

اعتصام مفتوح


أنا واحد صاحب حق ... ومش ناوي أتنازل عن حقى


أيا كان هذا الحق جربت كل المحاولات ... والنتيجة " إحنا مش هانسكنك وإعمل اللى تعمله "


... وأنا مستعد أضحي بمستقبلى عشان أخد حقى وأوصل رسالتى


لازم نقول لا ... كفاية لحد كدة ,لازم حد يضحي ... لازم حد يدفع الفاتورة ... لازم نوصل الرسالة


والحق سينتصر في النهاية ... وسيبقى من دفع الفاتورة ليرى الإنتصار أما الظالم فسيذهب إلى مزبلة التاريخ


اللى حصل معايا ... هايحصل معاك ومعاها إن لم يكن في الجامعة ففى حياتك


هم يريدوا أن يكمموا أفواهنا ... هم يريدوا أن يخيفونا ... هم يريدوا أن يعتقلونا ... ويريدوا ويريدوا


اليوم الدور عليا ... غدا عليك ... بعد غد عليها

يريدوا أن يشردوني ... يريدونني في الشارع ... وبعد ذلك يريدونني أحب مصر


مش هاسكت ... مش هاسيب حقى ... هاموت وحقى يرجع لى

لا يستطيع أحد ركوب ظهرك ... إلا إذا كنت منحنيا ،


لذا قررت الأتى :


بعد مشاورات واستشارات مع أهلي وأصدقائي

.إعتصام مفتوح على سلم كلية الإعلام ... يوم الاحد الساعة 12 ظهرا ،فأنا فى الشارع


لذا سألجئ إلى كليتى ... أعتصم فيها حتى يأتوا لى بسكن ، سيكون موجود وسائل إعلام


لازم نوصل الرسالة ،لازم نقولهم إن إحنا مش تافهين ، إحنا نقدر نطالب بحقنا


،وهنقدررررررررررررررررررررر


.أخيكم


المشرد والمستبعد من المدينة الجامعية عشان رأيه ومعارضته لضيوف الكلية

12 comments:

TAFATEFO said...
This comment has been removed by the author.
لا يستطيع أحدٌ ركوب ظهرك .. إلا إذا كنتَ منحنياً. said...

مدونة لقمة عيش تتضامن مع حضرتك وأسأل الله أن يوفقنى غدا لأكون معك فى الاعتصام مع تحيات مدونة لقمة عيش http://lokmetaesh.blogspot.com/

همس said...

راجل والله فى قرارك

وربنا يوفئك

مهندس مصري said...

ربنا يوفقك يا احمد

esraa said...

ربنا معاك يااحمد

احنا يمكن ماينفعش نكون موجودين معاك في الاعتصام

لكن لو في حاجه تانيه احنا ينفع نعملها يارب تقولنا عليها

محمد حبيب said...

إن شاء الله خير يا احمد
ده حقك وماتسيبهوش، صدقني ماضيعناش غير كده

hassanaly said...

لما تلاقى الامنجية عددهم اكتر من الدبان :يبقى انت اكيد فىمصر ... محاولات التدجين والاقصاء والاخصاء ان امكن ... تنجح مع البعض وتنتج عنها عاهات بشرية شائهة... عبد اللة كمال ... الجلاد... القط...سرايا...احمد موسى . فلو عاوز تبقى زي دول اسهل شىء...اما ان تقاوم فدة يخليك مع ... ابرهيم عيسى...محمد السيد السعيد...الغزالى حرب... صلاح حافظ ... وكثيرين من الصحفيين الشرفاء هم عقل الامة المفكر وعينها الحارسة

القعـقـاع said...

ربنا معاك
وربنا يوفقك تسترد حقك
بالطرق الشرعية
وتذكر : لايضيع حق وراءة مطالب

هيثم الكاشف said...

أنا متضامن معاك و ماتسبش حقك و ربنا معاك و يوفقك
انا برده في اداب اعلام و مايرضينيش الكلام ده و كلنا ولاد مهنه شريفه وواحده

د / مصطفي النجار said...

كلنا معك اخي الحبيب احمد
حقك ولازم تاخده
انا فاكر لما كنت في الجامعة كانوا بيعملوا معانا كدا
استبعاد كل سنة من السكن بحجج امنية
لما وقفنا وطالبنا بحقنا وقعدنا لهم في الشارع
جابوا لينا عمارة خاصة
بالايجار علي حساب الجامعة
وسكنونا فيها
واصبحت مبني المستبعدين
اوعي تسيب حقك
اوعي

عبقرينو said...

اثبت على موقفك وخلى بالك من نفسك

أحمد عبد القوي said...

شكرا لكم جميعا... والله كلماتكم هذه وسام فخر أضعه حول رقبتى ولن تزيدنى الا ثبات واصرار على موقفى ...

... شكرا لتضامنكم