الحمد لله أنهيت بالأمس دورة التصوير الصحفي التي إستمرت لمدة شهر وتم عرض الصور التى إلتقطها في تلك الفترة

.

والتى لاقت إعجاب الحاضرين من حيث فكرتها

وقد أثنى علي المدرب وأعجبته الصور جدا

.

وسوف أعرض الصور هنا لكن الان الميموري ليست معى وسأعرضها قريبا

*

**

*****

الحمد لله أنهيت دورة التوعية بحقوق الانسان التى حضرتها في سياسة وإقتصاد

وإستمرت لمدة يومين كاملين

وكانت دورة مفيدة جدا لى خاصة محاضرة

الإسلام وحقوق الإنسان

.

حيث تم عرض نماذج من حياة الرسول والصحابة هى أصل ما يقولونه دعاة حقوق الإنسان الان وكانت المحاضرة للدكتورة فوزية عبد الستار الأستاذة بكلية الحقوق جامعة القاهرة

.

وفى تلك الدورة حدثت مشادة بيني وبين الدكتور أحمد عبد الونيس في محاضرة الحقوق السياسية

حول قانون الطوارئ

.

فالدكتور مؤيد جدا لقانون الطوارئ وأخذ يعرض أهمية قانون الطوارئ وفائدته وأنه يقبل أن يحكم بهذا القانون

وأنا كنت جالس في أخر القاعة وكنت لابس البدلة والكرافتة ومعايا الشنطة يعنى كنت أخر شياكة من الاخر

.

وطلبت المداخلة , فسمح لى وقالى

إنت معانا هنا ياأستاذ - واخدين بالكم من أستاذ دي -

قولتله أه , قالى في كلية إيه , قلتله إعلام , قالى في سنة كام قلتله تانية صحافة

راح باصصلى بصة كدة من فوق لتحت شديدة قوي توحي بطولى الشاهق وكأنه جاب برج القاهرة من أوله لأخره

.

وقالى قول

.

وبدأت في عرض مساوئ قانون الطوارئ والاعتقالات والتعذيب والدولة البوليسية التي نعيش فيها وغيرها

حتى قاطعني هو

.

وبعدين أخذ في شرح وجهة نظره مرة ثانية وقعد حوالى 15 دقيقة يشرحها تاني ويدخلى من أمريكا لفرنسا ومن فرنسا لأفغانستان ومن أفغانستان لمصر وأنا قاعد أبصله وأكتم ضحكتي

.

وختم كلامه وقالى

إه وصلت قلتله: لأ طبعا

.

وأضفت : حضرتك ليه عايز تعمق فينا الثقافة البوليسية وأن البوليس لابد وأن يتحكم في حياتنا كلها

راح متنهد وبدأ في الشرح تاني وإستمر لمدة 10 دقائق وبرضه يطلع من هنا يدخل لهنا ولففني العالم كله

وراح قايل في النهاية

.

عشان كدة بقى انا قابل قانون الطورائ

طبعا ما سكتش

قلتله

طيب إنت قابله أنا بقى مش قابله

لقيته سكت ودخل على أزمة كوسوفو

وأنتهت المحاضرة

.

**

*******

اليوم أنتهت الحملة الدولية لمكافحة الصهيونية الامريكية والتى إستمرت بنقابة الصحفيين 4 أيام وأنا حضرت اليوم الأول والثاني وختام الرابع

.

لإني كان عندي إمتحانين اليوم إمتحان الرأي العام وإمتحان الإتصال الشخصى

وكعادتي بدأت المذاكرة اليوم قبل الإمتحانين بثلاث ساعات

.

والحمد لله فرجت

وربنا يستر

******

كان اليوم في الحفل الختامي لمؤتمر القاهرة فرقة شعبية جدا جدا جدا تسمى

الطنبورة

وقعدت تغني وتغني والناس تصفق وترقص وتطبل

.

طبعا أنا ماكنتش فاهم حاجة وكنت بصفق زيهم واسامة الرشيدى قعد يصفق وإنسجم معاهم وأنا صورته فيديو

وهوا بيصفق

.

كان شكله يهلك من الضحك عامل كدة يعني زي المتخلفين عقليا أو واحد عندنا في بلدي أهبل إسمه

محمد حسني أه والله محمد حسني بس مش مبارك

.

الحفل أصلا من أوله لأخره كان عامل زي حفل الطهور

وخرجنا أنا واسامة الرشيدي ومحمد عبد العزيز

وصعدنا الى الدور الثامن في النقابة وصلينا العشاء

وجلسنا بقى في الهواء الطلق وتحدثنا في مواضيع كثيرة

.

بصراحة الجو والمكان كان جميل جدا

وكل واحد قعد يتخيل لو إن زوجته معاه في هذا المكان

وكل واحد قعد يقول أنا ناوي على الزواج بس أبويا مش هيوافق

وسألت واحد منهم ماتتجوز وتخلص ده إنت باباك صيدلى ومامتك مأمورة ضرايب بس مش هاقول إسمه طبعا

.

قالي : ده أنا أبويا بيدينى ثمن وصلة النت كل شهر بالعافية

وأنا قلتلهم بالنسبة لى العروسة جاهزة والشقة جاهزة بس الوالد مرة كنا رايحين فرح مع الأقارب وبيقولى عقبالك

يا أحمد قولتله خلاص إن شاء الله في سنة رابعة هاخطب

راح الكل باصصلي كدة بإستعجاب لجرأتي في الكلام مع والدي

وطبعا أبويا قالى بهزار

:

يأبن الكلب إنت لازم تجهز نفسك

*

****

********

وبس

جيان

جيان إسم قد لا يعرفه الكثيرون "

هكذا بدأت سمر ماهر تقديم حفل إنطلاق فريق جيان للتدريب الإعلامي "

بكلية الإعلام جامعة القاهرة

وطبعا كان أيضا مقدم الحفلات الشهير والإعلامي المرموق أسامة الرشيدي مشارك في التقديم

وكان كل فريق جيان من البنين مرتديين البدل والبنات كن مرتدين حاجات كدة ماعرفش اسمها

بس كان شكلها واحد .

طبعا الذي يقرأ التدوينة دي أكيد بيسأل ايه سبب أنني كتبتها الأن مع أن الحفل كان في الترم الأول

طبعا هارد عليه وأقوله

الصور

لان في كتير طلبها مني وظانا اطنشهم مثل هشام وأسامة ومحمد خالد وعبد العزيز و غيرهم

عشان كدة هانزلها هنا واللى عايزها ياخدها

ويحاسبني بعدين

الصورة طبعا في أي أستديو ب 2 جنيه ( اخر مرة أتصورت كانت ب 2 جنيه كان في تانية إعدادي

وعشانكوا أنتوا وعلشان خاطر جيان

هاحاسبكم على 135 قرش للصورة الواحدة

وإليكم الصور

دكتور رياض حسين بين الجانييين

هما مش معبريني في الصورة دي وبيبصوا للكاميرا الكبيرة

شوفوا ميلودي اللى في النص ده

مدونة جديدة لحملة حماية بجامعة القاهرة

شاركونا على

http://www.hemayacu.blogspot.com/

وراسلونا على

hemaya_cu@yahoo.com

اوقف المخدرات غير حياتك

stop drugs .......................... change your life

مدرس يسب النبي صلى الله عليه وسلم أمام الطلبة

يبدو أن ظاهرة سب النبى صلى الله عليه وسلم لم تعد مقتصرة على الدول الغربية

بل تم تصديرها إلى مصر

فقد فوجئ طلاب مدرسة فاطمة فتحى الإبتدائية بقرية بنى صالح مركز الفيوم

بأن أحد مدرسى الرياضيات ويدعى

جورج شكرى عدلى 36 سنة

أثناء الحصة الرابعة بفصل 5 / 1 الإبتدائى يسخر من التاريخ الهجرى بقوله

(عيد ميلاد الحمار بتاعكم قرب)

يقصد الرسول صلى الله عليه وسلم

مما أصاب الأطفال الصغار بالذهول

من تصرف المدرس حيث تركوا له الفصل وتوجهوا لمدير المدرسة أيمن محمد عبد العزيز

الذى قام فى الحال برفع مذكرة إلى فاطمة محمد راشد التى

أصدرت فى الحال قراراً بنقل المدرس المذكور إلى مدرسة هوارة المقطع الإبتدائية

وأبلغت الجهات الأمنية التى قامت بالقبض عليه واحتجازه بمقر أمن الدولة بالفيوم لمدة يومين

ثم أفرجت عنه بعد ذلك

، وقد قام مندوب من أمن الدولة بعقد اجتماع مع إدارة المدرسة والمدرسين حيث أخبرهم بأن المدرس المذكور قد اعتذر لنا ونحن قبلنا أعتذاره

وعليكم نسيان هذا الموضوع .

وقد قامت مباحث أمن الدولة بالتوجه بقوة إلى مكان المدرسة

حيث استمعت إلى التلاميذ الذين أكدوا لها صحة الواقعة .

من ناحية أخرى قامت الدستور بالاتصال بمطرانية الفيوم للوقوف على الإجراءات التى ستتخذها تجاه هذا المدرس

وعن الاعتذار الرسمى للمسلمين وأهل القرية والتلاميذ عن هذه الإهانة

وموقف الكنيسة من هذه الحوادث التى من شأنها تهديد الوحدة الوطنية

إلا أن تليفون الأنبا إبرام مطران الفيوم لايقوم بالرد وتليفون الأنبا ميخائيل استيراس وكيل المطرانية مغلق نهائيا.

" يبدو ان احنا بقينا ملطشة لكل وضيع ومجرم

حسبنا الله ونعم الوكيل

واللi كما اخبرنا القرآن " ولن ترضى عنك اليهود ولا النصارى حتى تتبع ملتهم

صاحب هذا الخبر الأستاذ / أحمد سيف النصر الصحفي وصاحب مدونة

ع المكشوف

هيا دي مصر

منذ أن وعيت الى الدنيا , وأصبحت أرى أمامي وعرفت القراءة والكلام والصداقة والعمل العام

ومصر أمامي أنظر إليها يوم بعد يوم وساعة بعد ساعة

وأسأل نفسي

.

هل التغيير قادم بالفعل؟

.

أشعر ببعض التفائل ولكن سرعان ما يذهب التفائل ويتكون لدي إقتناع تام بأن مصر بهذه الفئة المسيطرة عليها

لا أحد سيقدر عليهم إلا لو إنتظرنا معجزة إلهية

.

وبعد ذلك

أغرق في بحر من التشاؤم

الواحد يري في حياته أشياء ومر بمواقف جعلتني أشعر بهذا التشاؤم

.

عندما أري بعيني طوابير الخبز لا نهاية لها

.

والمشاجرات التي تحدث فيها

وأعرف أن الشخص لا يستطيع أن يشتري بأكثر من جنيه

.

فيضطر لان يأتي هو وزوجته وأولاده ويقفوا كلهم في الطابور

.

وسمعت عن شهداء الخبز

والمنتحرين بسبب سوء المعيشة.

والغلاء الذي عم كل السلع والمرتبات كما هي

.

والضحك على الدقون اللى بيحصل للشعب والناس مش عارف

.

عارفة وساكتة ولا بتستعبط ولا عاملة نفسها مش واخدة بالها ولا إيه بالظبط

.

والتعليم اللي خلاص إنتهى

.

والناس المتسولون في الشوارع والنائمون على الأرصفة

.

والإنتهاكات التي تحدث للشعب في كل مكان

.

وأحمد عز واللى بيعمله

.

والحكومة اللى نفسي ولو حتى بالكذب أن في جثة منها أستقالت ولا حتي ماتت

.

ولا مبارك اللى كاتم على نفسنا من 26 عاما.

.

والتصريحات اللى فى جرايد الحكومة اللى تخلي الواحد

.

يسب الدين

والسرقة والنهب اللى شغالة في البلد

.

وقلة الأدب اللي في الشارع

.

والروتين في المؤسسات الحكومية

.

وأري وأسمع المواقف من المسؤلين تجاه ما يحدث في فلسطين

ووووووو

....................

وكل هذا كوم وما يفعله أمن الدولة كوم

.

أنا بجد الناس دي بكرها كره

لم أكرهه لأحد من قبل

الاعتقالات التي تحدث الان بالجملة

.

.

والضرب والتعذيب والشتائم

.

التي لا تعبر إلا عن قذارة هؤلاء ال....

صعب عليا ان أطلق عليهم بشر

.

ليه تحبسوا خيرة رجال الأمة

ليه تسرقوا أموالهم

.

ليه تحرموهم من ممارسة حياتهم الطبيعية

ليه تحرموهم من حقوقهم.

.

ليه تغلقوا مشاريعهم وتعترضوا أرزاقهم

.

ليه أخذتوا ال 9 كمبيوترات بتوع

عمرو أيوب

ليه أصلا إعتقلتوه تاني

وليه إعتقلتوه قبل كدة

.

ليه إعتقلتوا الحاج أحمدي قاسم هذا الرجل الذي أؤكد لكم بكل صدق

أن ظفر أصبعه الصغير في قدمه اليسري برقبة كل

.

ظباط أمن الدوله بالفيوم

وأنهم أشرف منكم كلكم

.

والشاعر حبيبي الاستاذ حسام خليل

.

أنت عارف يا شرابي ولا ياعبد التواب

ايه شعور مريم حسام خليل ويوسف الان

.

أنت عارف أنها لا تتعدي الخمس سنوات

.

لييييييييييييييييييه

.

إيه ذنب هؤلاء الاطفال أن يغيب عنهم أباءهم

ها تقدروا أنتوا ياللى عاملين نفسكم حماة مصر

.

أن تغيبوا عن أبناءكم وزوجاتكم وأهلكم

.

ولكن لا تغييوا لأنكم في بعثة في جوانتانمو ولا رحلة من رحلات الفجر

لا

أنتم في المعتقل

.

وإسمك مسجون

وتتلقى الاوامر من أشخاص لا يعرفوا القراءة والكتابة

.

وتتبهدل رايح جاي في عربية الترحيلات

.

ومتكلبش

وهم الطبيب والمهندس والمدير والشاعر والتاجر والمدرس و.....

يعني ناس بتفهم وأحسن وأشرف منكم

مليون مرة

.

تخيلها كدة يا هشام فهيم ولا يا محمد عبد التواب ولا يا تامر عادل ولا يا شرابي ولا يا حاج مروان مازن

أعتقد إنها صعبة عليكم

.

يعني هل وأنتوا طالعين كدة في الثالثة صباحا والناس كلها نايمة ومعاكم جيش من العساكر وعربيات وووو

.

وتهجموا على المنزل وترعبوا الاطفال وتنتهكوا الحرمات وتفتشوا المنزل وتبهدلوا الكتب وترموها وممكن يكون فيها مصحف ولا كتب دينية

.

ولكن لجهلكم لا تعرفوا أي حاجة

وبعدين تاخدوا الراجل

.

ياااااااااااااااسلام

.

سؤال أسأله لمعتز اللواج

.

هل تستطيع النوم ويدك ملطخة بدماءوسماع صوت صراخ محمد الدهشوري

الذي قتلته انت ومعاونيك.

.

هل تعرف أنك تستحق الموت؟

.

هل تعرف أنك ستدخل النار؟

.

هل تعرف أن الالاف يدعون عليك؟

.

هل تعرف أنك فضحت في مصر كلها؟

.

هل تعرف أنني لا أستريح حتي أراك في قفص الاتهام أو على حبل المشنقة ؟.

.

سؤال للقارئ.

.

هل تعتقد أن في تغيير بجد ممكن يحصل وهل سننتقم من هؤلاء وهل سنشعر بالسعادة وراحة البال

وهل وهل وهل وهل ؟.

.

.

ولا هيا دي مصر

جمهورية الفيوم

أعتاد يوميا الدخول على موقع نافذة الفيوم وما بين يوم واخر أجد أخبارعن اعتقال عدد كبير من مواطني المحافظة

مرة 25 ومرة17ومرة 19 ومرة35 والكثير وهذا منذ حوالى شهرين ,ولا أدري لماذا هذه الحملات الغبية التي يشنها أغبى جهاز في مصر وهوجهاز أمن الدولة , اه طبعا أغبى أفراد في مصر فما بالك باللى هايكونوا في الفيوم

يعني مثلا واحد زي محمدشرابي ده

تعتقدوا أنه مثلا مؤهله ايه

ولا محمد عبد التواب كان جايب كام في الثانوية العامة

أكيد

%

ولا تامر عادل ولا مروان مازن ولا ولا ولا .....

إضافةالى أمناء الشرطة مثل عثمان باشا

الراعي الرسمي لقرية منيةالحيط بمركزاطسا

والذي يمثل رعب لكل من في قريتي حتى الاطفال الصغيرة

يعني مثلا الطفل اللى يتشاقى مانقولهش مثلا اسكت لتروح عندالدكتور

أوتاخد الحقنة

ولكن نفوله

هاجبلك عثمان

طبعا بيتخرس

وعثمان ده أتذكر له موقف لا أنساه أبدا , عندما جاءت حملة الى قريتي ليلة عيد الاضحي وتم اعتقال 4 من القرية

جاء عثمان باشا ومعه أحد المعتقبين

وأمام محمد عبد التواب

وضربه بالشلوت

عايز يعمل راجل أمامه يعني

فادعوا معي شل الله قدم عثمان.

أعتقد أن سبب هذه الحملات على الشعب الفيومي الشقيق هي

إنفلونزا الطيور

فبسسب الشعبية الجارفة التي تتمتع بها الفيوم بأنها بلد البط والكتاكيت

لذلك أمن الدولة عندما يشك في أحد بالاصابة يتم إعتقاله فورا

وتضاف الى قائمة إتهاماته

الانضمام الى جماعة محظورة هدفها

تغيير النسر اللى على علم مصر ووضع بدلا منه كتكوت

ولا أملك إلا أن أقول لأمن الدولة

هل أنتوا مقتنعين باللى بتعملوه ده

وهل هذا بنية الحفاظ على مصر

ومحاربة الفاسدسن

والله والله والله

إن الفاسدين واضحون وأنتم الذين تحموهم وتنشروا لفسادهم وعندما يقعوا هم ستكونون أنت أول الضحايا

أه أنتوا مفكرين إنكم هاتفلتوا

*

هوا أنا ناسي البطاقة اللتي إتاخدت في التحرير

*

والظابط يقولى روح وهانبعتها بالبريد

*

وشكله طيييييييب وصدقته

*

وبقالها الان أكثر من شهر ونصف

*

بريد إيه ده

لا والله ده الشعب كله ها ينتقم منكم

وكلوا اللى عملتوه

هايطلع على ......

وربنا يهديكم