Tuesday, November 11, 2008

وغداااا ... الرد

.بعد أن مليت من كثرة الذهاب إلى القبة ، حيث ذهبت لهم 8 مرات منذ الاعتصام التاني ، فرئيس الجامعة الدكتور حسام كامل كان مريض منذ يوم الاعتصام ولم يدخل الجامعة منذ أسبوع - على حد قولهم - وبعد ان شفي رئيس الجامعة بحمد الله وذهبت اليوم ، فقابلنى قائد حرس القبة وقال لي إن طلبى عرض اليوم على رئيس الجامعة وأنى غدا سأسمع الرد , وأنا منتظرالرد

6 comments:

DomDam said...

سلام عليكم يابو حميد
أنا أحمد عتمان، مصري اسكندراني يعمل و يقيم في الدمام بالسعودية
أنا بقالي شهر بتابع مدونتك الجميلة اللي للأسف مكنتش أعرفها قبل كده و بقيت كل يومين ادخل اشوف أخبار حقك السليب ايه؟ و بدعيلك ان شاء الله تاخد حقك و ما مات حق وراءه مطالب ، حتسكن ان شاء الله و لو بعد حين.
بس أهم حاجة انك ما تيأسش، حتى لو العملية طولت، انا مش عارف ليه حاسس من آخر موضوعين كتبتهم ان الرتم بتاعك هدي و ان اليأس بدأ يتسلل لنفسك و همتك ثبطت شوية، و عايز أقولك استجمع شجاعتك و اشحذ همتك تاني حتى لو مفيش حد خالص حيقف معاك. حتى لو كل اللي بيشجعك النهاردة و بيعتصم معاك زهقوا و انشغلوا بمشاغلهم.
واضح طبعاً ان الافندية اللي انت بتقابلهم دول بيزحلقوك بتعليمات من رئيس الجامعة اللي أكيد طبعا "مش فاضي لوجع الدماغ ده و عنده حاجات كتير أهم منك انت يا صعلوك" فياريت ماتخليش صبرك عليهم طويل قوي كده، روح اعتصم تاني و المرة دي خد معاك ترمس شاي وحاف افرشهلهم على السلم و ماتمشيش،ان شالله تبات لتاني يوم، ييجوا يلاقوك لسة قاعدلهم، اعملهم كالو في دماغهم، و قولهم المرة دي مش حتزحزح من مكاني غير لما يجيني الرد و مش حروح اقابل حد، عايز الرد يجيلي و انا قاعد هنا، و بعدين انت دلوقتي في القاهرة، يعني ممكن بسهولة تلفت انتباه الصحافة و الاعلام، المهم انك ماتخليش همتك تهبط، و ماتعتمدش على عدد اللي واقفين معاك، اللي يقف معاك كتر خيره و اللي مش حيزهق او حينشغل اعذره و في الآخر دي قضيتك انت و موقفك انت مش حد تاني، و لكن انت كده بتعمل اللي محدش في مصر بيعمله، بيصمم ياخد حقه
و ربنا معاك

شاعر سبيل said...

أيا كانت انت المنتصر
يكفي أنك أسقطت أقنعة مزيفة
وظهر ظلم الذين يتظاهرون بالوطنية وهم أبعد ما يكون عنها
وانتصارك يكمن في عدم خوفك من التماثيل وفي مطالبتك بحقك وهم صاغرون
قال بل فعله كبيرهم هذا فاسألوهم إن كانوا ينطقون

omar_empire said...

بالتوفيق و إن شاء الله ربنا هينصرك

أحمد عبد القوي said...

أحمد عثمان الاسكندراني

أولا أشكرك على اهتمامك ودعائك لى

ثانيا : كلامك معظمه صحيح بس أنا برضه عملت كل ما في وسعى ، ولسة مصر على الاستمرار ومستعد للتضحية

واعرف أيضا أن قراراتي معظمها فردية

وان شاء الله مستمر ومصصم انى اخد حقى

وربنا معانا جميعاااا

أحمد عبد القوي said...

عمر

ربنا ينصرنا جميعااااا ويوفقنا


أستاذي / حسام خليل


النصر الحقيقى عندما يعود كل حق لأصحابه ، للمصريين والعرب والملسمبن ، عندما تعود القدس لنا

يااااارب انصرنا

googler said...

You these things, I have read twice, for me, this is a relatively rare phenomenon!
handmade jewelry