Friday, September 12, 2008

معتز اللواج

منذ يومين حضرت محاكمة النقيب معتز عبد المنجى اللواج المتهم بتعذيب محمد الدهشوري حتى الموت في محكمة الفيوم
.
وصلت الى المحكمة في التاسعة صباحا وقابلت صديقى صديقى عبد الرحمن فارس ووجدنا منطقة المحكمة
وكأننا أمام مقر رئاسة
.
الجمهورية " على أساس إنه الريس انتقل من مصر الجديدة الى الفيوم
.
أمن دولة - أمن عام - مباحث - أمن مركزي - مرور - مطافي
.
حاولنا ندخل المحكمة ولكن تم منعنا من قبل
.
وقفنا أمام المحكمة على الجانب الاخر
.
جاء ولد من عيال أمن الدولة وعاوز يمشينا
.
قلتله أنتوا مشتونا من أمام المحكمة لكن الان نحن بس إحنا دلوقتى إحنا في الشارع ومش هاتقدر تمشينا
.
وإحنا بقى مش هانمشي
.
قالى لا هاتمشوا ومش هاينفع تقفوا هنا
.
شدينا معاه أنا وعبد الرحمن شوية
.
قلتله إحنا منش هانمشي وناديلى الظابط بتاعك
.
لقيته ينادي على ظابط ويقول ... محمد بيه ... محمد بيه ويشاور علينا
.
ببص على محمد بيه ده لقيته 4 محمدات في بعض مش محمد واحد
.
وإذ أشبه بظابط أمن الدولة بالفيوم ... محمد بك عبد التواب المعروف بجبروته ولسانه العسل
.
وجه محمد بيه وقالنا فى ايه مش راضيين تمشوا ليه
.
قلنا له إحنا واقفين في الشارع
.
قالنا يالا غوروا من هنا ... وراح خبطنا على ظهرنا وزايحنا الى الامام
.
مع وجود موسيقى صوتية وجملة إعتراضية " أ . ح . ا
.
طبعا أنا كنت صايم فمرضتش أرد عليه ... ههههههههه
.
طبعا مشينا بسرعة البرق ... وإختفينا عن أنظاره فترة قصيرة
.
بيني و بينكم أنا أسمع عنه انه إيديه تقيلة ولسانه الله واكبر عليه ولا يفرق بين كبير ولا صغير
.
المهم دخلنا المحكمة في الاخر ... وعرفنا أن الظابط معتز كان داخل القفص مثل باقى المتهمين
.
وتم منع مصور المصري اليوم من التصوير من قبل عائلة معتز وأفراد الامن
.
بل وتم تهديده بكسر كاميرته ورميه من المحكمة
.
هذه هي عائلة اللواج
.
وتم تأجيل القضية إلى 11 / 10 / 2008 القادم
.
وندعو كل المنظمات الحقوقية بالوقوف إلى جانب أهل القتيل بالتضامن معه
.
وكذلك وسائل الاعلام حتى يتم تكثيف وفضح هذه القضية
.
وتأديب ظباط الفيوم وحتى يكون معتز عبرة لهم ويعاملوا المواطنين على أنهم بنى بشر
.
ويخافوا بعد كدة حتى لا يلاقوا مصير زميلهم معتز - لا أعزه الله
.
حتى يأخذ هذا الظابط القاتل حكم يشفى غليل أهالى القتيل وغليلى أنا شخصيا
.
وندعو كافة النشطاء والشباب إلى وقفة تضامنية مع أهالى القتيل يوم المحاكمة 11 / 10 القادم أمام محكمة الفيوم
.
.
وحسبنا الله ونعم الوكيل فى كل ظالم
...

7 comments:

مروة كمال said...

اللهم انصر الحق

اللهم انتقم من أذناب الحكومة

اللهم إني أشهدك أني أكرههم فيك يا الله

عبدالتواب محمود said...

بعد كدة يبقى يغيروا اسم المحافظة

يبقى اسمها بعد كدة

محافظة عزبة عائلة اللواج


وحسبنا الله ونعم الوكيل

دعواتك

أحمد عبد القوي said...

الدكتورة : مروة كمال

شكرا على مرورك الكريم

رفيق النوم

مش للدرجة دي نسميها محافظة اللواج

على فكرة فيهم ناس محترمين

بس نعمل ايه بقى

حسبنا الله وعم الوكيل

ربنا ينتقم من الظالمين

وشكرا لمرورك

عيدالرحمن محمود said...

دي حاجة قمة المسخرة ربنا ينتقم للقتيل

كمال الشناوي said...

رفيق النوم ازاي يا عم الحج
مينفعش الكلام دة وربك قال فاذا بليتم فاستتروا
ولا اي

أحمد عبد القوي said...

الأستاذ كمال الشناوي

يا عم لما تفهم الموقف ابقى اتكلم

هوا نت كنت معانا ولا ايه ؟

وممكن اتعرف بحضرتك

journalist said...

لكل ظالم نهاية
بحييك يا عبد القوى و اتمنالك النجاح