Monday, August 4, 2008

العرض الثاني لمحمد رفعت


كان بالأمس العرض الثانى لزميلنا محمد رفعت فى نيابة أمن الدولة بالتجمع الخامس
ووصلنا أمام المحكمة مبكرا قبل ما يأتى فى سيارة الترحيلات وكان يوجد زملائه وزميلاته وأسرته

زملاء محمد جائوا تضامنا معه


وكنا جميعا متفائلين بأن محمد سيأخذ إفراج في هذا العرض لأن التهم الموجهة إليه " تافهة
"
ووجدت والد محمد المهندس رفعت بيومي أتى فى تاكسي ومعه المحامي محمد منيب

أنا رأيت المحامي ومش صدقت نفسي

قلت لمن حولى ياااااااااااااااااااااااااه محمد منيب بنفسه
ده عمو رفعت ده واااااااااااااااصل قوي

هما طبعا كانوا مش عارفين مين محمد منيب ده

قلت للبشمهندس رفعت : إيه ده كله ... إيه المحاميين الجامدين دول

عصام الأسلامبولي - أحمد سيف الإسلام حمد - محمد منيب- حسن عبد الغني

قالى : هو محمد ما يستهلش ولا إيه
قلتله : طبعا ده يستاهل أكبر محاميين في مصر كلها

محمد رفعت جه ونزل من سيارة الترحيلات امامنا ويده في الكلابشات

واليد الأخرى مرفوعة شامخة تحيي الحاضرين


ده مش محمد رفعت ده محمد حسنى اللى حاطط الكلابشات في يد رفعت


رفعت أثناء نزوله من الترحيلات - مبتسم رغم أنفهم

وجرى التحقيق مع محمد وخرج لنا المحامي وكان متفائلا مثلنا تماما

وقال إن التحقيق كان سهل ... فرحنا كلنا

زملاء محمد جالسين أمام المحكمة

دخلنا جميعا لزيارة محمد في المحكمة وسلمنا عليه وخرجنا

أثناء خروجنا من الزيارة

أتناء مغادرة المحكمة بعد الزيارة

وجائنا الخبر فور خروجنا من الزيارة بالتجديد لمحمد 15 يوم

كانت صدمة كبيرة لنا جميعا ... وقلنا الحمد لله
أثناء الزيارة ومحمد يلبس لبس التحقيق

وخرج محمد ثانيا من المحكمة بالكلابشات إلى سيارة الترحيلات ذاهبا إلى سجنه الصغير وتركنا نحن فى سجننا الكبير

محمد أثناء خروجه من المحكمة

محمد يكلمنا من وراء شباك سيارة الترحيلات

مع السلامة يا محمد

وإن شاء الله إفرااااااج العرض القادم

تصوير : احمد عبد القوي

9 comments:

ملك الخواطر said...

بس إن شاء الله هيطلع بعد ال15 يوم التانين

أنا مش عارف أقول حاجة غير حسبنا الله ونعم الوكيل

سمـــر مــاهر said...

ربنا يفك أسره

المستكشف/احمد محسن said...

زياراتك كترت لنيابة أمن الدوله بمدينة نصر
............
و كل أصحابك عمالمين يعتقلوا
ممممممممممم
بعد تفكير
أنا بدأت أشك فيك

هههههههههههه
مع محبتى

أحمد عبد القوي said...

ملك الخواطر

إن شاء الله يا حسام هايطلع العرض القادم بس إنت تيجي

وشك حلو يا أبو الخواطر


سمر ماهر

ويفك أسر مصر كلها ... أميييين


أحمد محسن

يا حبيبي أن أول مرة رحتها سعت ما أنت اللى كنت معتقل , أما بخصوص أصحابي اللى عمالين يعتقلوا فأنا اللى ببلغ عنهم

عندك إعتراض

ههههههههههه

سلامي

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

عبدالتواب محمود said...

ولمن صبر وغفر ان ذلك لمن عزم الامور



حسبناالله ونعم الوكيل



اخواك عبدالتواب زميل النوم فى رحلة عزة

أحمد عبد القوي said...

عبد التواب محمود بنفسه على مدونتى

يا سعدي يا سعدى

رفيق النوم في رحلة غزة

حمد الله على رجوعك بالسلامة

وشكرا على مرورك

عبد الحميد بدوي said...

http://arabvote.alafdal.net/index.htm?sid=2be96eefe445dc0ab94f7660e546e3e9

http://wwwahzanmasr.blogspot.com/

أرجو الدخول والمشاركة.

عبد الحميد بدوي said...

مش محمد رفعت بس المسجون فرة فية سجن أكبر