Saturday, July 12, 2008

MP3 سحقا لل


دعيت لحضور دورة طلابية لمدة يومين للتوعية بحقوق الإنسان يعقدها

برنامج بناء التابع للأمم المتحدة بالتعاون مع برنامج الدراسات البرلمانية بكلية سياسة وإقتصاد .

وكان الكورس جميل جدا والمحاضرين رائعين ومحاضرات دسمة ،

خاصة محاضرة الأستاذ حافظ ابو سعدة الأمين العام للمنظمة المصرية لحقوق الانسان


والمستشار أمين المهدي رئيس مجلس الدولة السابق والقاضي بالمحكمة الجنائية الدولية


وفي هذا اليوم سهرت في الشغل حتى الصباح يعني بيت بتشديد الياء والكورس سيبدأ الساعة 10 صباحا

واستأذنت من رئيسي في العمل للذهاب الى الكورس فقال لى من سيحاضر اليوم


قلتله واحد كويتي كدة مش عارف اسمه بس عضو بالبرلمان الكويتي


دكتور نصر الصانع

قالى دكتور نصر الصانع

قلتله متهيألى قريت الإسم ده في جدول الكورس

قالى ده راجل مهم جدا


عضو مجلس الامة الكويتي ورئيس كتلة الحركة الدستورية الإسلامية في البرلمان الكويتي


ورئيس منظمة برلمانيين عرب ضد الفساد

ونائب رئيس المنظمة العالمية لبرلمانيين ضد الفساد وووو


لازم تأخذ منه موعد وتعمل معاه حوار


قلتله هحاول


قالى حتى لو هاتروح له الفندق اللى ساكن فيه



وذهبت الى الكورس ... وجاء الدكتور نصر
وأعطى المحاضرة

وإتصورنا كلنا معاه

وخرجت معه وقلتله أنا صحفى فى وكالة ... وموقع ....


قالى يا مرحبا يا مرحبا
قلت له عايز موعد من حضرتك علشان اعمل حوار مع سيادتك


قالى كنت اتمنى والله لكن انا مسافر اليوم للكويت


وإعتذر لى وأعطاني الكارت بتاعه


وإتصل بالسواق بتاعه ليأتي الى الكلية يأخذه

فضلت لازق فيه ومرضتش أمشي


وجدته دخل ينتظر السواق في حجرة أمن الكلية


دخلت وراه


جلس على الكرسي ، جلست بجوراه
شغلت ال وبدات في أسئلتي

mp3


والحمد لله سألت كل الاسئلة اللى كنت عايزها واكثر

جلست معه اكثر من نصف ساعة

وبعدين ببص على الإم بي ثري


وجدته مغلق


وااااااااااااااااااااحسرتاه على الحوار


وسحقا لل MP3

ذهبت للوكالة قابلني رئيسي في القسم

قالى سبع ولا ضبع
قلتله سبع الحمد لله عملت معاه الحوار مع إنه كان مسافر

قالى برافو عليك
قلتله بس بعد ما عملت الحوار وجد ال إم بي ثري مقفول

ضحك
ودخل قال لرئيس الوكالة

وجه أعطاني درس لن أنساه

فعلا محدش بيتعلم ببلاش

10 comments:

Anonymous said...

هههههههههههههههههههه

تعيش وتاخد غيرها يا قمر .


أزيك يا أحمد عامل ايه .


أخوك نيجــر

Anonymous said...

هههههههههههههههههههه

تعيش وتاخد غيرها يا قمر .


أزيك يا أحمد عامل ايه .


أخوك نيجــر

سمـــر مــاهر said...

لعله خير

أحمد عبد القوي said...

بشمهندس نيجر

وااااااااااااحشني

وواحشتني كرداسة وأكل كرداسة

شكرا لمرورك ........



سمر ماهر

طبعا خير إن شاء الله

ولازم أحد حد في البداية يحصل له كدة ويتعلم

وكمان انا حصل معابا حاجات اكثر من كدة

وهانشوف هايحصل معاك ايه

ربنا يستر

حلاوة روح said...

عشان تتعمل بعد كدا تكتب ورا المصدر ملاحظات هتفيدك

Anonymous said...

التعليم المجاني بقى

Anonymous said...

ربنا يوفقك ياد يا احمد يا ابن عبد القوي عمرو مصطفى

أحمد عبد القوي said...

عبد الرحمن فارس

الله يرحم يا خويا

عموووووووووورة حبيبي

شكرا على مرورك الكريم

وربنا يوفقنا جميعا

قررت أكون عانس said...

ما تزعلش نفسك بتحصل لاحسن العائلات بس هو فى الحقيقة موقف غاية فى الاستفزاز

Anonymous said...

احييييييييني ! حقك تفقع يا رجل