Tuesday, January 1, 2008

حبسة تفوت ولا حد يموت

تم بحمد الله الافراج عني مع مجموعة ال
35
بعد قضاء حوالى ست ساعات في إحتجاز العزب
وبعدما خرجت كانت توجد سياة تتنتظرنا أنا و5 اخرين
وركبنا ورجعت الى المنزل
ووجدت أخي بياكل
ووالدتي نائمة
واخي في الدرس
ووالدي فى المحل
من الاخر يعني ما حدش عرف حاجة
ولكن اخي وجدني داخل بدون رفيقتي الشنطة فلم اخبره
الخسائر
طبعا أنا اول ما خدوني أول حاجة فكرت فيها الامتحانات وقلت خلاص سنة هاتروح
وسئلت واحد معى في سيارة الترحيلات
هوا أنا إمتحاني بعد 6 أيام ممكن أمتحن ؟
بصلي كدة وقال 6 أيام وصمت وقال إن شاء الله هاتمتحن
طبعا كان واضح إنه بيثبتني
وفي المساء ذهبنا الى أمن الدولة من الساعة الثامنة وقعدوا يقولوا بعد ساعة بعد نصف
ساعة بعد ساعة الى الساعة الواحدة والنصف صباحا
وبعدين خرج المحامي ومعاه شنط كثيرة مليانة
أنا بصيت على الشنط وقولتله شنطتي فييييين‘
ودققت النظر مرة أخرى فوجدتها في يده ولكنها مليئة بالموبيلات
أنا فكرت الشنطة كلها بتاعتي
ولكن وجدت فيها متعلقات كل من كان معي
ووجدت المحامي بيبصلى ويقولي
حرام عليك
شنتطتك انت اللى كانت مشكلة اتسألت بسببها كتير بسبب محتوياتها‘
المهم بأبحث في الشنطة فلم أجد
الكاميرا الديجيتال الخاصة بي وكمان ال
USB
النوتة الخاصة بي
كارنيه المدينة الجامعية
ووجدت طبعا الموبايل موجود يعني هايخدوه ليه
ده موبايل 1100 ما يجبش 94 جنيه
وقالى الظابط أخذ الحاجات دي بالذات علشان يفحصها
طبعا أى حد كان متصور على كاميرتي
أنا ما ليش دعوة
حد قاله يتصور
وطبعا كان اليوم قصدي الست ساعات كانت طبيعية
وكان هناك بعض الطرائف حدثت معي أثناء ال6 ساعات
سأقصها فيما بعد
وأود أن أشكر كل من أصدقائي
عبد الرحمن فارس
أحمد الجيزاوي
محمد خيري
أحمد عمر
بنت البنا
أ/ سامح البرقي
بندر الجالى
وأخص بالشكر أيضا
إتحاد المدونين العرب
مدونة أبناء مصر
يالا نفضحهم
نافذة الفيوم

5 comments:

Anonymous said...

السلام عليكم ورحمة الله وبركاته

حمدا لله على الخروج سالمين

والله اكبر ولله الحمد


اللهم فك اسر والدي وجميع اخواننا المعتقلين

عبدالرحمن فارس said...

حمد لله على سلامتك يا احمد بجد والله ربنا الي يعلم الواحد كان شعوره ايه

بس الحمد لله جات على خير

ومكنش يعني الموضوع محتاج شكر احنا مصريين قبل اي حاجه تانيه

دمت بود

تواشيح سياسية said...

حمد لله على السلامة ياريس
ودى قرصة ودن
وبكره يقولوا عليك عميل او جاسوس
هههههههههههه
او حتى يلبسوك الطرحه
هههههههههه
حد عالم
حمد لله على السلامة وربنا يحفظك انت وامثالك
وبتمنى ان يكون ده دافع لمواصلة نشر فكرك وتحقيق اهدافك

Anonymous said...

تدعوكم مدونة اطيار السنونو snono@maktoobblog.com ومدونة الطريق الى الفردوس doaa910@maktoobblog.com للاطلاع على حملة رفع الحصار عن غزة والتى تبدا فعالياتها فى 15 فبراير 2008...ندعوكم لزيارة المدونتين للاطلاع...ويمكن التنسيق للمشاركة عبر مدونة اطيار

Anonymous said...

الحمد لله على السلامه يا ابو حميد

وأخبار الأمتحانات ايه

ان شاء الله من الناجحين المتفوقين


اخوك نيجــر