الحمد الله لقد أتاني الله بفرحتان
.
في يوم واحد
.
فرحة أحسن من الثانية
الفرحة الاولى هى الافراج عن خالى الاستاذ عمر يوسف بعد قضاء 45 يوم فى المعتقل هو ومجموعته المفرج عنهم ومنهم أيضا الاستاذ بهيج عبد المنعم
.
والفرحة الثانية هي
.
الإفراج عن الكاميرا الديجتال الخاصة بي في نفس يوم الافراج عنهم
إضافة الى كارنيه المدينة الجامعية و النوتة الخاصة بي
وكمان وصلة ال
USB
بتاع الكاميرا
ياااااااااااااااااااااااه
.
.
إيه الاحترام ده
بجد يا جماعة انا ما صدقتش نفسي لما طلبني المحامي وقالى إن الكاميرا معايا
ما كنتش متوقع إنها هاترجع
.
أستاذ عمر يوسف كان هايرجع كدة كدة
وطبعا
.
بعد أن قامت رابطة الكاميرات الديجتال ماركة BENQ بالاحتجاجاجات والاعتصامات
وقدموا بلاغ للنائب العام
.
وهددوا باللجوء للمحاكم الدولية
أضطر أمن الدولة للافراج عنها
.
الحمد لله وعقبال النوتة الثانية برضه الخاصة بي
والسيرة الذاتية - أصلها كانت في الشنطة اللى خدوها
.
أكيد أمن الدولة عايز يعمل ملف ويدعمه بالسيرة الذاتية
.
يالا الحمد لله وعقبال فرحة الشعب المصري كله وفرحتي بخروج
.
باقي المعتقلين من الفيوم
.
ومنهم حبيبي أحمد محسن الذي تخطى الخمسين يوما في المعتقل
.
